早前，台灣女子組合S.H.E成員陳嘉樺（Ella），被爆同老公賴斯翔「造人」成功，當時Ella透過唱片公司話遲啲會同大家分享。日前，Ella喺微博貼出幾張驗孕棒嘅相，承認已經陀B三個月，佢話：「現在是時候了！我要大聲的告訴大家：我懷孕了！知道的當下真的是『驚嚇』大於『驚喜』，因為一切來得太突然，呆坐在沙發好一陣子才清醒過來，謝謝大家一直以來的祝福。」
Ella貼出同老公驗孕嘅照片，承認已陀B三個月。
公布懷孕嘅喜訊後，Ella同隊友Selina、Hebe一齊出席公開活動。Ella自爆為咗同好姊妹分享喜悅，特別買咗兩支驗孕棒當禮物，送畀Hebe同Selina留念。對此，Hebe坦言有啲不知所措，而Selina就話：「我驚訝到如果有人拍我一下，眼珠會立刻掉下來，眼淚直接噴出來。」講到老公40歲先做爸爸，Ella話：「他有種『終於輪到我』的感覺，非常開心。」
Ella買咗兩支驗孕棒當禮物，送畀Hebe同Selina留念。
下載APP