內地男星王寶強同馬蓉嘅離婚案官司，於今午喺北京朝陽法院開審，王寶強將親自出庭向法院提交馬蓉同宋喆同居嘅相關證據。不過，馬蓉就申請唔出庭，案件亦唔會公開審理。另一方面，馬蓉控告王寶強嘅名譽侵權案，亦被安排喺下午4時開庭，兩單案件同日開庭確係罕見，難怪過百傳媒早早已庭外守候。
中午1時半左右，身穿黑色衫嘅王寶強，坐住架紅色車喺友人陪同下現身法院，法院門口早已聚集大批媒體，亦有唔少市民圍觀。落車時，由於現場混亂，有內地特警維護秩序，王寶強喺代表律師張起淮同哥哥王建永陪同下入內。據內地婚姻法務部張向龍律師透露，要證明馬蓉同宋喆出軌，就要證明佢哋有一段時間共同生活，所以今日王寶強提交嘅證據十分關鍵。
下載APP