韓國人氣綜藝節目《Running Man》喺亞洲各地大受歡迎，所以吸引內地電視台購買版權製作《奔跑吧兄弟》。節目於2014年開始，目前已踏入第五季。由於成員Angelababy懷有身孕，難以參與遊戲節目，所以盛傳佢會退出，專心安胎。因為Baby係節目嘅唯一女將，所以節目組希望搵番同佢一樣咁有分量嘅女星代替，有傳韓國女團f（x）前中國籍成員宋茜，將會取代Baby加盟節目。
有傳宋茜將取代Angelababy，加盟《奔跑吧兄弟》。
噚日，網上盛傳《奔跑吧兄弟》第五季嘉賓名單會有大變動，除咗宋茜取代Baby加盟出演，內地男星楊洋亦會頂替鹿晗。據了解，為咗增加節目話題性，節目組有意邀請緋聞男女演出節目，塑造《Running Man》中宋智孝同Gary一樣嘅「情侶檔」。有傳節目組有意力邀曾多次傳出緋聞嘅宋茜同楊洋合作，由於兩人同屬一間經理人公司，上同一個綜藝節目亦理所當然。
宋茜和楊洋同屬一間經理人公司，兩人曾多次傳出緋聞。
下載APP