去年，內地歌手張靚穎喺演唱會上，向拍拖13年嘅男友兼經理人馮軻逼婚成功，有傳兩人將於下月8日喺意大利舉行婚禮。怎料，日前張靚穎媽媽公開親筆信指控準女婿馮軻，話佢侵吞母女公司股份，並以結婚嚟操控女兒嘅財產。媽媽同未婚夫公然反目，令夾喺中間嘅張靚穎當場爆喊，並發聲為馮軻護航。而馮軻亦公開出示法律文件反擊，並直言：「願意把我名下所有財產轉到靚穎名下。」
張靚穎喺去年演唱會上，向男友兼經理人馮軻逼婚成功。
日前，事件又有新進展，有內地網民大爆馮軻偷食張靚穎一名叫Yoyo嘅女粉絲，該網民話曾親眼見到馮軻同Yoyo出入酒店，又出席對方嘅畢業典禮。對此，張靚穎再次喺微博力撑未婚夫，佢話：「這件事就只是我的家庭溝通問題，請不要把無辜的女孩牽扯進來編故事！Yoyo是我的好朋友，前兩天我們還一起吃飯，請不要捕風捉影去損害一個小女孩的名聲！」
媽媽同未婚夫反目，搞到夾喺中間嘅張靚穎十分無奈。
下載APP