林夏薇今年一月憑《七公主》奪得TVB視后之後風波不絕。近日她忙於拍攝新劇《法言人》，仍抽空接受無綫娛樂新聞台《Star Talk》專訪，大談得獎感受，及入行多年來的甜酸苦辣。
談到得獎視后一刻，薇薇坦言當時腦子一片空白：「真係好難形容，我呢世都會記得嗰刻感覺。」入行轉眼已十多年，薇薇於北京中央戲劇學院表演系畢業，並一步步捱至今日的成績，她笑言：「好記得當年由冇對白嘅臨演，再由冇對白到同主角有一、兩句對白咁，再由配角去到主角，所有呢啲畫面都歷歷在目，好似時間停頓咗。我當時上台攞獎其實好想表達畀媽咪聽，好彩我嗰時冇放棄。」
薇薇指當晚站在頒獎禮台上，腦子閃過了當年為內地劇《手機》「跑龍套」時，與當時已是內地一級演員的陳道明的互動畫面。他讚我好專業，又教我應該點樣做反應。「嗰日我明白到更加要堅持演員呢個夢想，無論係幾細嘅角色，努力係會畀人睇到㗎，同埋就算唔係拍緊你，都一樣要專注。」談到演員初心，她更邊說邊哽咽。
對於贏得視后後備受爭議，她回應謂：「個獎對於我係好嘅開始，係一種鼓勵同肯定，佢係鞭策緊我嚟緊要做好每個角色嚟到回饋觀眾。其實嗰晚我好感動，我收到好多電話同訊息，有啲訊息重要好大篇文，反而我啲朋友好擔心我，然後我因為咁先留意到原來有人咁覺得，因為嗰一刻真係太多嘢要處理。」 （編輯：游子欣）
林夏薇談到演員初心時眼泛淚光。
鍾嘉欣失落視后，一眾粉絲對林夏薇奪獎惹起非議。
薇薇指贏得視后一刻，腦內其實一片空白。
薇薇在新劇《法言人》中飾演律師。
她笑指當年的夢想除了做演員，也有想過當律師。
薇薇接受無綫娛樂新聞台《Star Talk》主播潘盈慧專訪。
林夏薇憑《七公主》中的顧語嫣一角奪得視后。
下載APP