韓國男星孔劉、鄭有美及馬東錫主演嘅喪屍災難片《屍殺列車》，上月於港澳地區上映後，票房走勢十分強勁，開畫四天即大收1,750萬（澳門幣，下同），成功打破《我的野蠻女友》保持咗14年嘅票房紀錄，成為香港史上最賣座韓片。截止日前，該片上映34天票房高達7,400萬，擊敗港產片《寒戰II》嘅6,800萬，成功擠身香港史上最賣座電影第16位，並超越所有華語及日韓電影，成為歷來亞洲電影票房冠軍。
《屍殺列車》擊敗《寒戰II》，成為歷來亞洲電影票房冠軍。
電影《屍殺列車》除咗喺韓國大獲好評，亦橫掃港、澳、台等亞洲各地票房，更帶挈男主角孔劉同影帝宋康主演嘅新戲《密探》備受關注，該片早前被選定代表韓國出戰明年奧斯卡「金像獎」，角逐最佳外語片。本月月初，《密探》喺韓國上映後，至今已錄得超過700萬入場人次。據了解，該片喺今屆「香港亞洲電影節」搶先面世後，將於下月20日喺澳門正式上映。
孔劉主演嘅另一部新戲《密探》，將於下月20日喺澳門上映。
善用澳門優勢開創演藝業新機遇
>
時尚名人雲集Palazzo Versace澳門
連續兩年高於澳門及廣東
港列亞洲第二大私募基金中心
九名琴童勇奪佳績為澳爭光
港澳外國旅遊團入境海南免簽宣講會舉行
總票房逾14億元佔全國12.7%
珠海1,264人已成功申辦
拍片表示遺憾未能親自來澳領獎
下載APP