吳嘉禧拍《唔試唔知份工好》學做魚蛋妹。（資料圖片）
吳嘉禧於茶餐廳一腳踢，樓面、收銀、洗碗、劏魚等樣樣做齊。（資料圖片）
吳嘉禧拍ViuTV節目，最難忘莫過於劏魚整魚蛋。（資料圖片）
吳嘉禧（Cheronna）早前拍攝Viutv節目《唔試唔知份工好》，近日播出她去打工的部分。節目中，Cheronna到一間茶餐廳做打雜王，樓面、收銀、洗碗、劏魚等樣樣做齊，不過講到最難忘，莫過於劏魚整魚蛋。 Cheronna表示：「因為茶餐廳係自家製魚蛋，所以我被安排到工場學整魚蛋，我冇諗過整魚蛋係咁凍整，隻手凍到痛，整魚蛋真係好花功夫。」自言怕凍的Cheronna大呻辛苦，不過她直言今次整魚蛋是很好的工作體驗：「無論我去工場劏魚，點樣將魚骨同肉分離，點樣整魚醬同魚蛋， 再到樓面落單收錢等等，所有事都非常難忘，係一種好難得嘅體驗。」
提到今次要密密劏魚，向來無劏魚經驗的Cheronna直言：「今次還可以，我覺得殺生要自己親手去做係好驚，今次啲魚唔係經我手去拍暈同放血，冇血淋淋畫面，所以自己都接受到。」她更笑指劏魚新技能解鎖：「好難得學到劏魚嘅經驗，以後可以去街市買條魚返去自己劏。」（編輯：黎永樂）
下載APP