否認老婆秘密添丁

昨日，劉德華（華仔）、「宇宙最強」甄子丹、劉浩龍、鄭則仕及姜皓文等為新戲《追龍》進行開鏡儀式。華仔在片中將再次飾演「雷洛探長」一角，至於甄子丹則扮演「跛豪」。問到有指老婆朱麗倩順利誕下兒子一事，華仔否認了傳聞，他表示：「久唔久就傳一傳，我好清楚咁同大家講冇。」

劉德華否認老婆朱麗倩誕下兒子的傳聞。

在新戲中，華仔將再次飾演《五億探長雷洛傳》系列中的「雷洛」一角，他透露這次拍攝的是「雷洛」前期。現場有記者大讚華仔樣貌依然年輕，華仔聽聞表示：「我都50幾歲喇！啱啱又過生日。（生日點慶祝？）同家人、朋友出街食飯。」華仔又自爆很多朋友送了潮爆的「唱K神器」給他，記者提議他可以一家人大合唱，華仔笑言：「我屋企冇咁多人喎！」

在新戲開鏡儀式上，導演王晶大爆劉德華和甄子丹片酬高。

劉德華將再次飾演《五億探長雷洛傳》系列中「雷洛」一角。

對於導演王晶踢爆華仔和甄子丹片酬高，華仔笑說：「不嬲都幾高.！但冇人哋咁高囉！其實我今次係特別演出，不過有收片酬，但同以前雷洛身價唔同。」甄子丹透露為了飾演「跛豪」，專門找老師學了幾個月潮州話。對於有傳他收了3,000萬人民幣片酬，甄子丹表示：「唔好講錢，講錢冇意思，多少唔重要。其實可以同華仔合作已經好榮幸，佢貴啲，佢不嬲都貴過我。」

否認老婆秘密誕B仔

日前，有香港媒體報道華仔老婆朱麗倩，於去月在外地秘密誕下B仔，引來網民熱烈討論。對此，華仔否認表示：「冇喎！我好清楚咁話畀大家聽冇！呢件事久唔久就會傳一傳。」對於有指華仔心痛女兒經常被傳媒追訪，所以不讓女兒外出一事，華仔解釋：「唔會！大家已經好畀面我，如果要追都唔係咁，而家劉德華再演雷洛 咁樣好好，我喺屋企過得好舒服。」

為了飾演「跛豪」，甄子丹專門學了幾個月潮州話。