Anson Lo獲MAMA頒發最佳亞洲新人 。（Facebook圖片）
Anson Lo現時是MIRROR中的人氣王，也是吸金力最強成員。（Facebook圖片）
Anson Lo今年在歌影視三方面發展均發熱發亮。（Facebook圖片）
「2021 Mnet ASIAN MUSIC AWARDS」（2021 MAMA）於昨晚（11日）在韓國隆重舉行，如往年一樣，頒獎禮上除頒予獎項給韓國歌手，亦頒獎表揚給予亞洲各地歌手，其中香港男團MIRROR中的人氣王兼吸金王Anson Lo（盧瀚霆），在本年度歌影視三方面發展均發熱發亮，獲頒發最佳亞洲新人（Best New Asian Artist - Mandarin）殊榮，揚威海外。
有「教主」之稱的他直言感覺十分驚喜：「好多謝2021 MAMA頒發呢個殊榮畀我，超級開心同榮幸，能夠得到今次殊榮及登上2021 MAMA舞台，係我一直以來嘅夢想，今次獲得2021 MAMA認同，絕對係好surprise，而且亦好鼓舞，自己今年做過嘅嘢得到唔同嘅人欣賞及支持，鼓勵到我嚟緊演藝路上繼續努力，畀觀眾睇到更多自己不同一面。」
Anson Lo亦不忘感謝身邊支持他的觀眾及神徒（Anson Lo粉絲），他更將得到的榮譽跟MIRROR好兄弟分享，他說：「希望大家會繼續支持我、支持MIRROR，冇MIRROR就唔會有Anson Lo存在。」 問到「教主」得到2021 MAMA殊榮，會否對他在年底競逐香港樂壇獎項注下強心針？他大方表示：「唔可以咁比較，得到2021 MAMA殊榮真係好驚訝，其實今年每完成一個工作，都冇諗過會得到咁多認同，我對年底頒獎禮冇諗太多嘢，由出道至今都係隨緣心態，攞唔攞到獎唔係最重要嘅一環，反而覺得最重要係能唔能夠畀觀眾睇到自己，擴闊自己接觸到嘅觀眾層面。」
Anson Lo希望日後繼續Rap爆樂壇。（Facebook圖片）
此外，回顧2021年的發展，「教主」指對自己表現尚算滿意，他說：「我畀自己表現滿意，係因為大膽咗，喺唔擅長、唔熟悉嘅工作範疇上，好短時間就可以適應，唔會再好似出道時候咁驚。」提到新一年的工作方向，「教主」指自今年有演戲經驗後，希望可以嘗試更多不同角色，所以下年會花多些時間在電影及演戲方面，而音樂路上他亦會嘗試不同風格，他亦透露希望來年歌曲上會增加Rap的部分。（編輯：黎永樂）
下載APP