再做爸爸的黎諾懿表示兩個小朋友夠晒數。（資料圖片）
黎諾懿為腹大便便的太太李潔瑩準備入醫院時的「走佬袋」。（資料圖片）
黎諾懿自認生「小春雞」時，表現十分狼狽。（IG圖片）
黎諾懿一家準備迎接新生命的來臨。（IG圖片）
本月將再為人父的黎諾懿，近日積極為迎接家庭新成員作準備，除了忙著為即將出世的BB添置用品外，又忙住照顧太太李潔瑩（Nicole）及向四歲兒子「小春雞」黎峰睿灌輸做哥哥的訊息。日前，黎諾懿就跟「小春雞」為腹大便便的 Nicole 準備入醫院時的「走佬袋」，因吸取過上次執漏嘢的敎訓，今次特意為太太準備了大量BB和產婦用品等，盡顯暖男丈夫的體貼。
黎諾懿太太Nicole自「小春雞」出世後，一直共識要再度造人，雖然黎諾懿一直希望第二胎生女，可以湊成「好」字，但第二胎仍是生仔，如今湊成「孖」字也不錯，他說：「即將再做爸爸，心情係開心嘅，因為無論工作幾攰都好，只要返屋企見到佢哋就會咩都忘記晒，咩都值得。」
不過黎諾懿斬釘截鐵表示「兩個夠晒數」，他謂：「我同太太認為兩個小朋友就夠，再多個小朋友，會分唔到身，最緊要佢哋兩個小朋友相親相愛，我湊峰峰（小春雞）時，太太湊細佬，咁樣時間會分配得好啲，雖然今次唔係生女，但都唔會再追，而家已經好完美。」 回顧之前跟太太入產房生「小春雞」時，黎諾懿自嘲當時是新手爸爸，表現十分狼狽，不過有了經驗之後，他相信今次會識得處理，沒有太大壓力和緊張，並期待小生命出現。
他又續說，上次陪太太入院生「小春雞」，過程一點也沒有享受過，印象中只記得忙到一頭煙，他笑言今次會好好享受，並說：「好多人問我今次會唔會剪臍帶，我嘅答案係『唔會』，我雖然鍾意煮嘢食，但係我都好怕見血淋淋嘅嘢。」（編輯：黎永樂）
下載APP