TVB新劇《青春本我》昨晚（5日）首播，劇中由一眾《聲夢傳奇》的學員擔任主演，分別由炎明熹（Gigi）、姚焯菲（Chantel）、鍾柔美、詹天文、張馳豪、冼靖峰、何晉樂等擔演。至於女主角之一的Gigi則有不少考演技的戲份，而其中一場喊戲則獲總導演李敏大讚：「佢真係喊到下巴都震晒㗎！」
李敏認為影視圈需要培育更多新演員，所以她坦言從開始拍這部劇到後期製作，望著一班演戲零經驗的新人，拍攝過程每次都有很大進步，令她十分安慰：「好有滿足感，睇住佢哋由對白都講唔到，甚至走錯位，去到依家起碼叫有啲演技存在。最尾幾日，佢哋甚至識得互相提點，我係好感動！」
李敏更指「女子組」角色需要處理較多喊戲，當中她對Gigi及林沚羿（Venus）的喊戲最有驚喜：「Gigi佢除咗第一次喊得比較混亂，因為佢耷低咗個頭喊，所以拍到嘅鏡頭好少！之後大家明白咗原來Gigi只要一聽到音樂就會喊，所以我哋每次都有準備音樂，同埋知道Gigi第一、二個take就會喊盡，所以我哋拍佢嘅喊戲要一嚟就嚟，佢真係喊到下巴都震晒㗎！」
吳業坤等人亦有份演出。
炎明熹的喊戲被導演指很有驚喜。
導演望著一班演戲零經驗的新人，拍攝過程每次都有很大進步。
幾位《聲夢》女學員獲無綫力捧。
下載APP