PlayStation VR未推出已全城哄動，最近品牌邀請12位名人試玩Cosplay，除咗曾江嘅司令造型及盛智文嘅佛地魔造型演繹得維肖維妙，最令網民驚喜嘅，莫過於鄭希怡（Yumiko）化身美國黑人女星Tiffany Pollard。由於該黑人女星一直係網上紅人鄭列瓊（瓊姐）嘅頭像圖案，原名同樣叫鄭列瓊嘅Yumiko，今次可謂名正言順挑機瓊姐，就連瓊姐亦於Facebook專頁轉載照片自抽，認真搞笑。
花咗四粒鐘時間化妝，終於成功化身「瓊姐」嘅Yumiko，單止自己認唔到自己，就連佢嘅寶貝女梁浸浸都認不出媽媽。Yumiko於Instagram貼出Cosplay嘅相，佢話：「唔只梁浸浸認唔到我，我媽媽都認唔到我，樓下看更都認唔到我。」Yumiko嘅造型可謂以假亂真，就連瓊姐見到即時轉貼照片，並發文搞鬼話：「終於以真面目見大家。我係咪好索呢？Keep唔Keep到黑妹嗰陣霸氣？」
下載APP