中菜館走High end路線早已不是新鮮事，好似「永利皇宮」的同名中餐廳「永利宮」，甫入門口就被無遮擋的窗外噴泉表演吸引，加上放滿2,880株玫瑰、720株繡球花、1,680株蘭花及五種其他花卉品種的庭園，未埋位先有視覺享受。
以為排場如此顯赫，收費一定好嚇人？咁又未必！餐牌上的一盅兩件幾十蚊就有交易，除了賣相精緻，煮法同樣充滿創意，好似「特色奶黃包」及「玉龍太子餃」，前者以冬菇造型登場，軟綿綿的包內藏有香滑奶黃餡，再配合餅乾碎扮成的「泥土」，好睇又好食；後者則以銀色蒸籠上檯，一籠一粒，彈牙蝦肉、爽滑帶子連同Juicy豬肉一併入口，非常滿足！不得不提，餐廳還有50款由酒店品茶師精心挑選的上佳名茶，實行全方位收買客人胃口。
玉龍太子餃 MOP 48/位
蝦餃除有蝦肉和豬肉，更夾入爽滑帶子提鮮。（李嘉儀攝）
特色奶黃包 MOP 48/ 三件（左）
藕斷絲連 MOP 68/ 三件（右）
面對如此精緻的點心，相機食先是指定動作吧！
脆香和牛粒 MOP 488
將和牛切成大方粒，入口時粒粒爆汁，非常美味。
下載APP