繼畢彼特（Brad Pitt）同安祖蓮娜祖莉（Angelina Jolie）宣布離婚後，另一對荷里活情侶娜奧美屈絲（Naomi Watts）同舒韋伯（Liev Schreiber）亦驚爆分手。噚日，娜奧美屈絲同舒韋伯宣布結束11年情侶關係，仲發表共同聲明：「出於整個家庭的著想，最好的解決方法是分開。我們心中仍充滿著愛、尊重及友情，同時希望一起養育兒子，探索彼此關係的新階段。」最後，兩人請求媒體唔好去騷擾佢哋兩個仔，尊重小朋友私隱。
喺聲明中，娜奧美屈絲請求媒體唔好去騷擾佢哋兩個仔。
娜奧美屈絲同舒韋伯喺2005年合作電影《愛在遙遠的附近》撻著，兩人至今拍拖11年，育有兩子，被視為荷里活模範情侶之一。據了解，娜奧美屈絲同舒韋伯嘅感情，喺今年年初開始亮起紅燈，兩人當時已分居，並開始商議分手。不過，舒韋伯本月月初出席威尼斯電影節時，娜奧美屈絲亦有同行，當時兩人一齊恩愛現身紅地毯，完全睇唔出感情已出現問題。
娜奧美屈絲同舒韋伯宣布分手，結束兩人11年情侶關係。
下載APP