無綫台慶劇《星空下的仁醫》踏入結局篇，劇情愈來愈緊湊，前晚（15日）播出一集講到鍾嘉欣飾演懷孕的Eman因感染第五病，最終保不住腹中胎兒Heman而流產，其爆喊演技再獲網民激讚，更推舉她做今屆TVB視后。
鍾嘉欣越洋接受傳媒訪問時表示感謝，她說：「細個時演較年輕嘅角色，喊嘅時候會簡單啲；但章以芯（Eman）資歷相對多啲，我進入咗另一階段做咗媽咪，處理喊戲時會唔同咗，要顧及嘅嘢多咗，會好自然地深層次咗。」她又指該兩場喊戲，均是由心而發。嘉欣表示做了媽咪後，對演喊戲有幫助：「學套劇話齋，媽咪係有一種本能，我嘅本能就係更加connect到我嘅內心世界同情緒，即係痛可以更痛。」
對於網民視她為今屆視后大熱，她表示很感動：「我都有成五、六年冇乜演過戲，大家仲記得同支持我，我非常感動。我對自己演出係有信心嘅，畢竟我演咗戲十幾年，未結婚之前我都拍咗成40部劇，有好多訓練同進步嘅機會。」
網民視鍾嘉欣為今屆視后大熱人選。
鍾嘉欣做人媽媽後，喊戲自然地顯得深層次。
據知鍾嘉欣相中手抱的BB是造價達五位數的道具，逼真度激高。
鍾嘉欣現時已返回溫哥華，她感謝網民支持。
下載APP