噚日，美國電視界盛事「第68屆艾美獎頒獎禮」喺洛杉磯盛大舉行，大熱美劇《權力遊戲》橫掃五個獎項成為大贏家，更創下「艾美獎」紀錄。美國名嘴Jimmy Kimmel 為頒獎禮擔任司儀，串盡代表共和黨競逐美國總統嘅房地產大亨特朗普（DonaldTrump）及荷里活白化風波。為咗照顧現場嘉賓，Jimmy仲即場大派媽媽精心準備嘅愛心三文治，非常貼心。
《權力遊戲》橫掃五個獎項，成為頒獎禮最大贏家。
全晚最搞笑嘅係有份入圍最佳綜藝節目嘅Jimmy，最後都係失落獎座，呢個時候影星麥迪文（Matt Damon）突然咬住個蘋果行出嚟踩場，佢話好遺憾錯過咗上一個精彩嘅環節，密密重提Jimmy失獎一事，佢仲搞鬼話：「Jimmy真係好慘，輸咗仲要行出嚟做司儀，喺大家面前企足成晚！」其後，麥迪文又呼籲全場一齊畀啲掌聲Jimmy， 鼓勵呢位「大輸家」，場面搞笑。
麥迪文咬住個蘋果行出嚟踩場，揶揄Jimmy冇獎攞。
下載APP