近日，鄭秀文（Sammi）於紅館舉行「鄭秀文Touch Mi 2世界巡迴演唱會2016」，受鼻敏感同喉嚨發炎影響，表現失準兼頻頻走音，讓她在舞台上數度哽咽，甚至要求觀眾直接退票。經過一晚休息後，Sammi於Facebook發文表示會奮鬥到底，會盡全力完成剩下的七場演出，獲大批網民留言打氣。
患病未癒的鄭秀文如期於紅館舉行第二場演唱會，全場爆滿。
日前，患病未癒的Sammi如期於紅館舉行第二場演唱會，全場爆滿。除了老公許志安現身，梁漢文、雷頌德、徐濠縈、谷德昭及溫碧霞等圈中好友亦前來捧場。Sammi於8時40分出場，雖然聲音依然沙聲，但無損觀眾高漲情緒。當唱到〈煞科〉高音位時，Sammi仍然唱唔到，其後她搞笑表示：「唔記得提你哋要戴口罩，我呢啲菌，係會傳染㗎！」
當晚鄭秀文狀態大勇，以勁歌熱舞哄動全場。
自嘲令觀眾難受
在歌迷打氣支持下，Sammi心情明顯好轉，她自嘲首場演出令觀眾難受：「唔使我多講，如果你哋有睇報紙，都應該知道第一晚觀眾有幾難受，成晚聽住我走音！」其後，Sammi又表示：「雖然我把聲甩甩漏漏啫！我仲有好多嘢睇嘅，咁我仲有華麗衣服、仲有一雙美腿同埋最好嘅製作團隊，最緊要有最好嘅觀眾！」即時引來全場觀眾熱烈歡呼回應。
雖然首場表現失準頻頻走音，但鄭秀文示會奮鬥到底。
黃子華催鄭秀文生B
當晚，Sammi邀請黃子華擔任表演嘉賓，子華一上台即「指責」Sammi不應退票，他笑言：「作為一個專業嘅表演者，最緊要係乜嘢？就係唔好回水！」子華又指Sammi和許志安是最後一個童話，還公開催促Sammi生BB：「呢個童話點樣可以最完美呢？生個仔。連名我都幫你諗埋，叫做『勝不許敗』！許志安、鄭秀文，許勝不許敗，贏晒！」
黃子華指鄭秀文和許志安是最後的童話，並催促兩人生BB。
下載APP