今年4月，謝安琪（Kay）完成香港紅館嘅個唱，宣布停工一年，專心同老公張繼聰積極「造人」。去月，Kay被拍到肚凸凸，疑似懷有身孕。日前，張繼聰於微博貼出Kay嘅大肚相，承認老婆陀B女，佢話：「成日畀人問到口啞啞，終於可以好正面咁宣布一件好正面嘅事。我又做爸爸啦！我會繼續愛錫太太！多謝大家嘅祝福，期待與我的小公主見面。」
身穿黑色連身裙嘅謝安琪，同張繼聰現身診所睇中醫。
公布懷孕嘅好消息後，張繼聰同老婆現身觀塘工業大廈診所睇中醫，身穿黑色連身裙嘅Kay個肚明顯凸晒出嚟，上圍亦升咗Cup。佢著住厚底涼鞋，全程拖實老公隻手，勁恩愛。當記者上前恭喜時，兩人都笑晒口答謝。喺診所逗留半小時後，張繼聰就拎住包藥同老婆離開。問到中醫師點講個胎？張繼聰就話：「好健康，其實今次主要係我睇中醫，因為捱得太辛苦，食中藥可以操行啲做Gym。」
謝安琪全程拖實老公張繼聰，勁恩愛。
下載APP