有「港大校花」稱號的22歲馮盈盈，以大熱姿態勇奪「2016香港小姐競選」冠軍。在頒獎禮結束後，馮盈盈被爆曾於Facebook連環爆粗，遭網民質疑有失港姐冠軍形象。對此，馮盈盈承認爆粗一事，她表示當時太年輕，純屬受氣氛所影響，並強調自己平時絕對不會講粗口。
馮盈盈以大熱姿態勇奪今屆「香港小姐」冠軍。
日前，出爐港姐冠軍馮盈盈與其他得獎者出席記者會。對於網上瘋傳她爆粗一事，馮盈盈表示當時是年少無知，她說：「啲言論的確由我本人所寫，我唔會否認。其實已經係好內以前嘅事，係我剛讀大學受當時嘅氣氛所影響，針對時事會有比較強烈嘅情緒，但我平時絕對唔會講粗口。」
坦言日後注意言論
談及遭網民質疑有失港姐冠軍形象，馮盈盈表示：「港姐形象係多方面造成嘅，絕對唔係單方面嘅事，況且呢個世界無人係完美，戴上后冠嘅一剎那，已經覺得好重。」問到以後會唔會小心自己言論？馮盈盈坦言經一事長一智，她說：「選完港姐，個人成熟咗好多，總之抱住多啲正能量嘅態度就好！」
在頒獎禮結束後，馮盈盈被網民迅速起底。
麥明詩力撑馮盈盈
對於馮盈盈將爆粗解釋為當時年少無知，不少網民都不接受，紛紛於Facebook炮轟她奪冠後「急戴頭盔」，更有人發起全面針對今屆港姐馮盈盈。對此，上屆港姐冠軍麥明詩即為馮盈盈說好話護航，她於Facebook留言表示：「其實由一個素人突然間變成傳媒焦點，係需要一啲時間適應同埋累積經驗，都好大壓力㗎！」
上屆港姐冠軍麥明詩於Facebook發文，為馮盈盈說好話護航。
下載APP