馮德倫同舒淇突然宣布閃婚，震驚整個娛樂圈。而馮德倫前女友莫文蔚（Karen）喺噚日出席活動時，就首次開腔談論事件。Karen話一早已經傳短訊祝福一對新人，佢話：「當時我喺新疆拍緊真人節目，已一早送上祝福。（對於他們結婚很驚訝？）唔會！係開心嘅事，有傳短訊畀佢哋。」問到同馮德倫仲有冇聯絡？Karen就話因為工作問題較少見面。
莫文蔚出席公開活動，首度開腔談論前男友馮德倫。
有記者問Karen會唔會祝賀馮德倫同舒淇添丁？Karen就笑笑口答：「隨佢哋啦！我唔知佢哋有乜嘢計劃喎！（會唔會約食飯？）講咗好多次，但好難約，我成日周圍飛，但我會衷心祝福佢哋。」此外，Karen今次嘅真人節目演出者包括劉嘉玲、趙雅芝同陳喬恩，問到怕唔怕咁多女神一齊演出會被比下去？Karen就話：「唔會！大家都玩到好熟，唔會介意。
莫文蔚同馮德倫06年公開拍拖，但07年就宣布分手。
下載APP