中秋節人月兩團圓，當然要把握時間同家人親友共聚天倫，大家圍埋一齊食中菜就最有氣氛喇。講到中菜，皇都酒店的「梓園上海菜館」可謂數一數二，佳節臨近更適時推出「金秋至尊」套餐和中秋精選套餐，以優質食材炮製出多道精緻菜式，最啱大宴親朋。
呢間上海菜館推出的「金秋至尊」套餐，除咗有常見冷盤花雕醉雞和糖醋小排外，更食得矜貴。其中醬爆明蝦粗麵，蝦肉彈牙，蝦汁精華全被粗麵吸收；紅燒南非鮑魚炆煮入味，而且口感十足；而原盅雞燉翅，更係一上檯已經傳來陣陣濃雞湯香味。另外中秋精選套餐亦無令人失望，包括爽口醉蝦、蜜汁火舫、蝦子大烏參、松子桂魚和紅燒元蹄等，當然唔少得甚具上海風味的小籠包和血糯八寶飯。呢個中秋，想食得圓滿就識揀喇！
梓園上海菜館炮製的「紅燒南非鮑魚伴西蘭花」，南非鮑魚入味之餘，更能做到軟腍煙韌的口感。 （相關機構圖片）
「 乾燒大明蝦」蝦肉厚又夠彈牙，配埋燒醬味道更係一流。
「 蜜汁火舫」做得十分精緻，鹹甜相融，非常受食客歡迎。
Info
價錢：金秋至尊套餐MOP 6,300/十位
中秋精選套餐 MOP 1,630 起/四位
日期：即日起至9月16日
下載APP