古天樂（古仔）同張智霖（Chilam）主演嘅新戲《S風暴》，將於本月14日正式上映。日前，兩人一齊接受媒體訪問，古仔透露今次有好多動作戲，但槍戰就以Chilam為主。問Chilam拍槍戰感覺如何？佢話：「以前曾經拍過，但今次自己冇乜留心，被爆破彈炸傷眼眉，最後要去鏠針，所以要時刻打醒12分精神，整到自己係抵死，但最驚係連累埋其他人。」
古天樂同張智霖主演嘅新戲，將於本月14日正式上映。
講到另一場飛車戲，Chilam坦言而家諗番都覺得危險，佢話：「事前導演剩係話一路向前揸就得，好似好輕鬆，點知啲車突然間係咁衝埋嚟，咁我咪剎車，導演話：『你做乜剎車？』原來係導演嘅安排，我係要揸車衝過去。」眾所周知，古仔不嬲都好Cool，但其實台灣男星周渝民（仔仔）同佢有得揮。古仔話：「之前同仔仔合作過《單身男女》，佢個人比較內歛，但好有禮貌，今次佢做一個好Cool嘅殺手，好啱呢個角色。」
張智霖今次挑戰大量打鬥戲分及高難度飛車。
下載APP