電影公司找來ERROR四子為《保鑣救殺手2》宣傳片配音。（資料圖片）
193（右）提議保錡（右二）可以在Marvel電影中做沙律俠。（資料圖片）
《保鑣救殺手2》將會是原班人馬賤格火爆回歸大銀幕之作。（電影海報）
由「死侍」賴恩雷諾士（Ryan Reynolds）和《復仇者聯盟》（The Avengers）系列森姆積遜（Samuel L. Jackson）主演的電影《保鑣救殺手2》（The Hitman's Wife's Bodyguard），將會是原班人馬賤格火爆回歸大銀幕之作，電影會在6月17日於港澳地區上映！今次電影公司請來香港人氣搞笑男子組合ERROR四子幫電影宣傳片進行搞鬼配音，他們獻出無制限、無人性、無底線的精湛演出，原來四子均是《保鑣救殺手》的忠粉。問到他們首次「進軍」荷里活的感想，成員保錡發表偉論：「我希望佢哋（戲中三位主角）同Marvel講，遲啲有個超人（角色）記得搵我做，佢哋好鍾意喺香港取景，幫我整個蜘蛛俠呀！」「肥仔」梁業忍不住插嘴：「Marvel冇超人㗎喎，你可以做曱甴俠！」193（郭嘉駿）有更啜核提議：「叫保錡做沙律俠，淨係食沙律，係咁食，一食沙律就有力！」眾人笑住和議，無力招架的保錡唯有死認：「係呀，素食主義！」（編輯：黎永樂）
下載APP