王菲相隔五年復出舞台，將於今年12月30日喺上海舉行一場演唱會，天后「出山」當然備受矚目，一眾粉絲都要想盡辦法撲飛。不過，最讓網民期待嘅，係想睇到佢同大女竇靖童（童童）同台合唱！童童遺傳咗王菲同爸爸竇唯嘅音樂天分，今年推出嘅音樂作品均大受好評。雖然唔少網民都希望兩母女同台合唱，但據聞王菲冇呢個打算，反而會考慮翻唱童童嘅作品。
王菲十分抗拒同女兒同台，唔想將兩人關係用作商業用途。
除咗同台演出之外，仲有唔少廣告商打王菲同童童「母女檔」嘅主意。日前，有手機品牌邀請佢哋一齊拍攝廣告，雖然只係簡單幾句對白，但酬勞已高達5,000萬人民幣（約澳門幣6,000萬），可惜王菲不為所動，一口拒絕！雖然王菲十分抗拒同童童同台，但兩母女感情一直十分要好，王菲私底下亦非常支持女兒，只係唔希望太過高調將兩人關係用作商業用途。
網民希望喺王菲年尾嘅個唱上，睇到佢同竇靖童同台合唱。
下載APP