呂慧儀參與《開心大綜藝》演出，並與曾志偉合照。（呂慧儀IG圖片）
呂慧儀與囝囝蟹籽到主題樂園玩，有指前夫黃文迪都有同行。（呂慧儀IG圖片）
TVB女星呂慧儀昨晚（9日）參與《開心大綜藝》演出時，向現場記者透露兒子黃柏翹（蟹籽）送上自畫卡和康乃馨給她作為母親節禮物，她表示會好好收藏：「佢每年都會畫一張，我全部都好好收藏，同埋影低相做紀念。（唔帶埋佢入電視城一齊慶祝？）今（昨）日《愛．回家》開廠，之後又要趕過嚟，佢喺屋企睇電視都一樣啫。」提到日前和蟹籽及前夫黃文迪同遊主題樂園慶祝母親節，她指自己母親也有一起同行，原來是提前慶祝母親節，她說：「冇話特別夾時間，但我一知道自己放假就安排喇。（玩得好開心？）係呀，最深刻係三年前同囝囝去過一間餐廳食飯影相，今次我哋又去返同一間餐廳，佢擺番同一個甫士，攬住個魚缸影相，我發覺佢真係大得好快，有啲唔捨得。」（編輯：黎永樂）
下載APP