40歲嘅舒淇同42歲嘅馮德倫，日前突然宣布婚訊，仲發出咗一輯結婚相。據了解，兩人相識20年，拍拖四年後終於修成正果，而馮德倫就以三卡BVLGARI鑽戒向舒淇求婚成功。目前，兩人正喺捷克拍新片，而且對婚訊非常保密，亦唔打算喺亞洲擺酒，而結婚當日現場亦唔夠20人見證！不過，專程飛到當地送女兒出嫁嘅舒淇媽媽，就感動到喊。
舒淇同馮德倫發出咗一輯結婚相，證實兩人已婚。
目前，舒淇正喺捷克拍攝馮德倫執導嘅《俠盜聯盟》，即使係身邊嘅劇組人員，事前對婚事都全不知情，製片張家振仲話：「他們真是好神秘，瞞過所有人，每天都開工，居然可以搞到結婚！」噚日，有台灣媒體就訪問舒淇，但舒淇就拒絕透露邊一日結婚，佢話：「我們對感情的事情都想保留自己的私隱，這點小秘密就讓我們收著囉！」問到係咪喺捷克結婚？舒淇亦無證實，的確夠晒神秘。
問到係咪喺捷克結婚？舒淇就拒絕透露。
下載APP