全球暖化，夏天愈嚟愈長，日日坐冷氣房都唔係辦法。不如索性飛一轉東南亞島國，同陽光玩遊戲兼投入海洋懷抱，一洗煩躁心情。其中嘅印尼峇里島、馬爾代夫可謂椰林樹影、水清沙幼的度假聖地，而家重興玩「豪華營」（Gamping），潛入小島住返幾晚，齋睇藍天白雲、海水白浪，都夠晒療癒。想更與世隔絕的話，不如走上新郵輪，再坐入好似精靈球一樣的海底觀光艇，潛入深海，睇住一大群Nemo魚仔游過，一切煩惱都拋諸腦後啦！
位處半島的度假村，共有24座特色度假「營」，各個「營」之間有足夠獨立空間，更可欣賞到三面環海的景色。 （互聯網圖片）
富有Glamping特色的豪華度假「營」，門前的竹子和建築原料來自南非，甚有非洲原野Raw味。
度假村內的潛水中心為五星PADI Dive Centre，亦可安排客人在Menjangan小島玩浮潛及潛水。（相關機構圖片）
馬爾代夫 島對島品味日菜
另一度假天堂馬爾代夫，由首都馬利（Malé）坐一小時水上飛機，就可到達小島Thaa Atoll，兩年前度假村COMOMaalifushi在此開業，最近更大搞「島對島」餐宴。同樣有白沙海灘、被熱帶植物包圍的COMO Maalifushi，室內設計由日本著名設計師Koichiro Ikebuchi操刀，更多了一份日式純淨自然美。
度假村內有三家甚有名堂的餐廳，包括「Thila」呈現家庭式親切菜餚；「Madi」主打本土菜式，糅合地中海、印尼和泰國特式；而「Tai」則以日本精緻菜式為主。最近新任行政總廚及餐飲總監Robert Shipman掌廚後，推出了一系列特色餐飲體驗，客人可獲安排坐十分鐘船，由Thaa Atoll小島到無人小島Lavadhoo，獨享私人島一般的用餐空間。家庭可以聚首分享小島燒烤，燒下老虎蝦、黃鰭吞拿和珊瑚魚等，情侶更可以在星空下享用海鮮晚餐同飲香檳，超有情調。
坐船到無人小島Lavadhoo用餐，白沙海水就在腳邊， 完全享受寧靜的私人空間。
在小島臨海的寧靜環境，享受日式魚生，感覺都fresh啲！（互聯網圖片）
Info
COMO Maalifushi
地址：Thaa Atoll, Maldives
網址：http://comohotels.com/maalifushi
印尼峇里島 享南非現代風情
與其呆坐冷氣房，不如潛入小島再潛入深海，來個終極避暑。印尼峇里島南面的旅遊業已經發展得非常熱鬧，而西北面的半島則人煙較少，環境亦較寧靜，最近就有新度假村Menjangan Dynasty Resort開幕，面積超過16公頃。呢個Resort佔盡優勢，皆因三面有海水環繞，又有白沙沙灘包圍，可說是隱世度假聖地。內裡和水有關的活動亦多不勝數，包括潛水、浮潛、滑浪、在瀑布旁做Spa等，甚至連溫泉都有得浸。想親親大自然的話，可以去參觀Atlas Pearl Farms珍珠養殖場、逛逛寧靜村莊Pemuteran、看看當地的葡萄園、騎馬再踩埋單車等，節目相當豐富。
Menjangan Dynasty Resort最特別在於有「營」，去沙灘露營雖然過癮，但都咪話唔辛苦，但這個Resort所提供的是「梳乎版」Glamping（Glamorous Camping）。到底Glamping有何魅力？度假村內共有24個「營」，每個有近40平方米大，內有大床和大躺椅，平板大電視、Wifi、小型酒吧、浴室設備等一應俱全。至於「營」的外形設計和建築材料來自南非，和當地環境融為一體，形成外形極富非洲野外風情，而內裡極現代化的新式度假營。只要瞓喺「營」內的大床上望住個窗，就可以盡覽環迴景觀，包括Menjangan Island、國家公園，以及東爪哇三座雄偉高山，無論Beforesunrise還是Before sunset，都一樣超有氣氛。Menjangan Dynasty Resort現在更提供兩種抵住Package，包括四日三夜或三日兩夜，已接受網上預訂，係時候去歎返下喇。
豪華版度假「營」內有寬闊大床，落地大窗外面的景色幾乎伸手可及！
Info
Menjangan Dynasty Resort, Beach Camp & Dive Centre
地址：Desa Pejarakan - Gerokgak, Buleleng, North West Bali 81155
網址：www.mdr.pphotels.com
實用資料
簽證：持有效特區護照可申請落地簽證，停留28天
貨幣：MOP 1 約兌RP 1,658
時差：無時差
氣溫：9月溫度約24℃至34℃
電壓：220V（雙腳圓插）
交通：澳門或香港每天均有航班飛到印尼峇里島「伍拉·賴國際機場」（DPS）。記得提早聯絡相關度假村安排當地交通接送。
下載APP