昨日，余文樂（樂仔）與雷頌德、盧凱彤等一起出席公開活動。問到樂仔早前放長假有否出埠？樂仔笑言一星期不算長假，但有和友人去旅行放鬆一下。談及有報道指樂仔嫌片酬低，拒接蔡卓妍（阿Sa）自編自演的新戲，最終阿Sa找了他的「死敵」周柏豪頂替。對此，樂仔表示是公司篩選劇本，並強調自己不用看錢做人。
放假一段時間後，余文樂出席公開活動復工。
早前，有報道指阿Sa自編自演的新戲《原諒他77次》，原本有意邀請樂仔擔任男主角。不過，有傳樂仔嫌片酬低，連劇本都未睇就一口拒絕，最後阿Sa把心一橫找來他「死敵」周柏豪代替演出。對此，樂仔否認表示：「唔關事，我而家做嘢唔係計較錢，之前都試過有好嘅項目一蚊都冇收，拍戲最緊要睇劇本。」
余文樂表示放假期間，和友人去旅行放鬆心情。
由公司篩選劇本
樂仔表示會由公司先篩選劇本，他說：「我同公司有共識，要適合自己嘅先接，同埋我一年最多拍兩部戲，想放多啲時間專注做嘢，呢啲要取捨。」樂仔承認早前有收過阿Sa的訊息，他解釋：「我唔會睇晒所有劇本，公司幫我篩選好先同我講。之前阿Sa有打過畀我，佢話遲啲先講詳情，但到我再打畀佢，佢冇再Update件事。」
余文樂否認嫌片酬低推阿Sa新戲，強調自己不用看錢做人。
認為唔需要解釋
對於報道指阿Sa十分不滿，因此才找樂仔「死敵」周柏豪頂上，樂仔說：「咁梗係咁寫，唔係點出新聞，我當然希望佢哋拍攝順利，拍戲換人好平常，臨時有變化，可能會造就新火花出現，到時上映一定去捧場。」問到會否致電阿Sa解釋事件？樂仔表示：「唔需要解釋，大家做嘢都知唔係為錢，適合自己最緊要。」
有指余文樂拒絕演出後，阿Sa找來周柏豪代替演出。
下載APP