李泳豪與楊思琦分手後一直單身，近日他被爆已有台灣新歡Agnes（圓圖）。
李家鼎對兒子李泳豪的女友印象不錯，希望泳豪盡快成家立室。
資深藝人李家鼎（鼎爺）細仔李泳豪與港姐出身的楊思琦分手後，十年以來一直單身，近日他被爆與來自台灣的新歡Agnes秘密拍拖數月。有指Agnes賢良淑德，而且識行奶奶政策，氹得「未來奶奶」施明非常開心，鼎爺對這位「未來新抱仔」的印象非常好，希望泳豪盡快成家立室。鼎爺接受訪問說：「係見過嗰女仔一兩次，斯文、有禮貌、印象唔錯。（是否刷定牙飲新抱茶？）飲茶唔使刷定牙嘅！望就咁望，但結婚問題要問返佢哋，我無聽過豪仔提及，佢要拍劇又要處理食肆生意好忙，一星期只見佢一兩次。」問他是否希望快點抱孫？鼎爺笑騎騎說：「唔希望就呃你，但生小朋友係佢哋話事，你估100年前老竇話事咩！」
下載APP