昨日，胡杏兒出席珠寶品牌公開活動，她配戴名貴珠寶首飾擔任模特兒，十分專業。杏兒透露老公李乘德間中會送珠寶飾品給自己，並表示希望將收藏的珠寶留給下一代。問到何時準備「造人」？杏兒坦言隨時Ready，更自爆同老公校定鬧鐘「造人」。
胡杏兒坦言已隨時準備好「造人」。
在接受採訪時，杏兒透露：「我情願佢（老公）唔使送咁多，呢啲心意大概一年一份就夠，真係唔使送太多。」問到收過最驚喜的禮物是甚麼？杏兒即冧爆表示：「最難忘係上年生日收到老公送嘅藍寶石戒指，冇諗過佢會送咁貴重嘅嘢，因為啱啱先送咗訂婚戒指冇幾耐，估唔到佢突然又送，好驚喜。」
談及好友陳敏之榮升媽媽，胡杏兒坦言戥對方開心。
為今屆港姐設計服裝
杏兒表示看到喜歡的首飾自己亦會購買，她說：「但唔會買好貴嘅，都係啲耳環獎勵下自己。（有冇七位數？）冇咁多，如果有七位數我寧願買樓喇！」問到是否有興趣設計珠寶？杏兒表示：「設計珠寶需要讀課程，我最近忙住彩排舞台劇，又要幫今屆港姐設計禮服，冇時間。今次設計嘅服裝唔會太性感，始終要大方得體。」
準備好隨時「造人」
自今年年初和老公環球蜜月之旅後，杏兒就一直忙於工作未停過，問她何時準備「造人」？杏兒說：「我真係Ready㗎喇！但因為之前接嘅工作未做完，而家寓工作於娛樂，希望盡快畀到好消息大家。」談及好友陳敏之、鍾嘉欣先後榮升媽媽，杏兒坦言戥她們開心之餘，自己亦會努力，她說：「畀多少少時間我，會校定鬧鐘『造人』。」
胡杏兒透露老公李乘德仍會送珠寶飾品給她。
下載APP