袁偉豪直言和張寶兒一起後面對不少壓力。(袁偉豪微博)
陳山聰經常安慰袁偉豪。(陳山聰IG)
袁偉豪、陳山聰、姚子羚和謝東閔現身麥玲玲和林盛斌主持的節目。(節目截圖)
由麥玲玲、林盛斌（Bob）主持的節目《Master's Talk 師父有請》，第三集邀請到「Crazy Runner」的袁偉豪、陳山聰、姚子羚和謝東閔擔任嘉賓，節目中眾人提到借運轉運之說，去年新婚的袁偉豪表示婚後才找到Dream House，他透露和「億萬千金」張寶兒一起後面對不少壓力，直言買樓是外父主導：「睇完報道好唔舒服，點解要咁樣講我，層樓我唔使供咩？」 陳山聰則以過來人身份勸袁偉豪放下固執，以行動證明一切。
節目以「人運和地運」為主題，對於藝人借運之說，各人坦言有所聽聞，當中袁偉豪表示：「以前遇到一個問米婆婆，佢話我前世得罪人，遮咗半塊面，所以出道頭十年事業完全無起色。」最終他向天口中唸住對方的姓氏叩頭道歉1,000次，之後就獲得機會加入無綫，事業運開始轉好。提到地運，袁偉豪表示婚前大約三幾年就會搬一次住所，直至去年因為結婚一年內搬了兩次，終於買下跟太太張寶兒的Dream House。
麥玲玲指不少人接受不到貧富懸殊關係，姚子羚說：「我都有試過有一任男朋友好有錢，門外有兩個保安守住，一入屋大家叫佢少爺嗰種！不過屋太大我會覺得好空虛，找阿媽可能都要打電話，反而想自己間屋感覺溫暖一啲。」她表示就算現時再選一次，她都會選擇忠於自己。當提到另一半是富家子女，袁偉豪直認與老婆張寶兒一起後面對不少壓力：「其實我唔睇果啲報道真係無事，睇咗反而唔開心，入到外父屋企有乜好驚？但睇咗報道真係好唔舒服，點解要咁樣講我？」
袁偉豪指有時不是刻意看，只是無意在手機看到，多少影響情緒：「我性格好硬頸，乜都駁嘴，內唔內出聲，我有自己睇法，你哋覺得係咪係，講真，層樓我唔使供咩？我都要搵錢，我都要Keep好個樣，但又被你班人話膠面、醜男？」袁偉豪表示沒有因閒言閒語影響到他跟寶兒之間的感情，他直言買樓一事是外父主導：「係外父建議我買，花咗幾日時間計數，加上我硬頸又大膽個性，所以決定試試。」
陳山聰直言自己是過來人，經常都會安慰袁偉豪，將經驗分享，提到往事，他說：「呢件事係令到我成長，感恩遇過呢件事，一千萬人都未必會遇到一次！當時封面多到好誇張，最唔開心係令到屋企人唔開心、媽咪好擔心，好彩今日有仔有好老婆，佢哋好安慰。」陳山聰表示經常都會勸袁偉豪放下固執，不要反駁任何傳聞，以行動證明一切：「大家都知我係隻牛，多謝呢段日子以來，呢班兄弟好信任，大家關係係一世。」(編輯：泳東)
下載APP