年輕版「磁力王」米高法斯賓達（Michael Fassbender）主演嘅新戲《刺客教條》將於今年聖誕期間喺澳門上映。該片由《復仇勇者》、《侏羅紀世界》特技班底天價打造，今次米高法斯賓達同奧斯卡「金像獎」影后瑪莉安歌娜（MarionCotillard）攜手合作。佢喺片中一人分飾兩角，解密基因記憶，穿梭時空，遊走喺15世紀嘅西班牙同現代，以「刺客」身份同死敵「聖殿騎士團」展開終極對決。
米高法斯賓達同瑪莉安歌娜攜手合作新戲。
電影《刺客教條》改編自人氣電玩遊戲，生活喺現代嘅米高法斯賓達，透過科技解開基因記憶，意外發現自己係神秘組織「刺客」嘅後代。喺獲取驚人技能之後，佢肩負對抗現代「聖殿騎士團」嘅使命，反抗專制壓迫。今次米高法斯賓達一人演兩角，分別飾演古代刺客阿基拉及生活喺現代嘅後裔Callum。對此，米高法斯賓達話：「刺客和聖殿騎士都有各自的灰色地帶，絕不是非黑即白的好壞之分，這就是電影設定最迷人之處。」
喺片中嘅所有打鬥場面，米高法斯賓達都親身上陣。
下載APP