許志安（左）和劉浩龍出席新春團拜，安仔表示過年前已努力做足修身準備。
男歌手許志安與劉浩龍昨早（18日）率領「太陽娛樂文化」一眾師弟妹出席新春團拜。眼見許志安身形Fit爆，原來他過年前已努力做足修身準備，他說：「知道新年一定有好多嘢食，例如盆菜、蘿蔔糕，所以過年前已Keep Fit做運動，留定Quota畀自己，直到尋日，我覺得要跑番步，唔可以再食喇！」許志安坦言因疫情關係未有出外拜年，只透過視像跟親友拜年。提到牛年大計，安仔希望可作多方面嘗試，尤其是作曲，他謂：「新一年想試下拍劇、作曲，自己唱咗咁多年歌，但寫歌就唔多，最近鍾意練電子琴嘅時候作曲。」另外，問到牛年展望？同公司的陳漢娜就望電影業復甦，以及主演的電影《遺愛》可以上映。去年憑劇集《三十而已》在大陸人氣飆升的馬志威，透露今年會派「開心價」利是，牛年主力內地影視及綜藝發展。
下載APP