港產電影《拆彈專家2》原定去年於港澳地區上映，可惜疫情令映期一拖再拖，電影終於能夠明日（18日）在澳門多間戲院上畫。今輯電影由《拆彈專家》原班人馬上陣，邱禮濤執導、劉德華（華仔）監製及主演，以全新故事展開，再配入影帝級人馬劉青雲，「雙影帝」組合「戲」勢磅礡。適逢昨日是劉青雲的57歲生日，劇組人員更專誠訂造一個別具心思的炸彈型蛋糕為青雲慶生。問太太會否送驚喜禮物，青雲表示不用送禮就最好，簡單食餐飯已是最好的禮物！（文：黎永樂）
《拆彈專家2》由第一輯原班人馬上陣，首度加盟的劉青雲在電影中飾演拆彈專家董卓文。
劉青雲表示最難忘一次試過生日在殯儀館取景，不過百無禁忌。
劉青雲（右三）獲一眾「拆彈隊員」與導演邱禮濤（左三），以及幕後工作人員夾埋送「炸彈」，夠晒驚喜。
「愛妻號」的劉青雲會叫郭藹明不用送禮，食餐飯已經夠開心！
《拆彈專家2》正式與澳門觀眾見面！
今輯電影由《拆彈專家》原班人馬上陣，首度加盟的劉青雲，在電影中飾演拆彈專家董卓文，除了與戰友劉德華並肩作戰，還跟一眾飾演拆彈隊員的演員吳卓羲、黃德斌、趙永洪、張揚有不少對手戲。昨天剛剛踏入57歲的青雲，在早前參與《拆彈專家2》拍攝期間，一眾「拆彈隊員」與導演邱禮濤及幕後工作人員齊齊送驚喜，為青雲在片場慶祝牛一，而劇組人員更專誠訂造一個別具心思的炸彈型蛋糕，逗得青雲笑不攏嘴，邱禮濤還笑指該「炸彈」屬於辛亥革命時的炸彈，令片場笑聲不絕。
難忘生日身處殯儀館
向來敬業樂業的青雲，已非首次在片場度過生日，他說：「我哋呢一行，好多時都喺片場過生日，我成日都同人講，唔好話畀人知係我生日，不過今次就揚啲！最難忘一次試過生日喺殯儀館取景。」對於一眾「拆彈隊員」跟他慶祝生辰，青雲大表開心：「同佢哋唔只係首次合作，仲係首日開工，大家同一team人一齊拆彈，感覺好似戲裡劇情一樣，所以好開心。」
太太預備蛋糕走唔甩
至於太太郭藹明會否跟他補祝生日？青雲即甜絲絲表示：「走唔甩，我相信一定仲有一個生日蛋糕。（太太為何不到片場送驚喜？）佢唔會嚟片場，佢知道嚟片場唔係太好，因為大家都做緊嘢，佢通常好少到片場探我班，因為佢知道我性格。」
直言兩公婆不重物質
「愛妻號」的青雲更直言會叫太太不用送禮：「真係需要嘅嘢應該都有，未有嘅嘢都係冇咩需要，買咗放喺度唔用好浪費。」那麼青雲是否不喜歡收生日禮物？他解釋：「唔係唔鍾意，但唔需要破費，大家開開心心食飯咪得囉，其實送禮係一件好難嘅事，收咗人哋嘅生日禮物，人哋生日又要諗送咩畀人，都幾吃力。」提到生日願望，青雲坦言希望所有事順順利利，大家生活開開心心：「我相信得一個人開心嘅世界，係唔會開心，所以我希望大家都開心，好好過日子。」
下載APP