早前，吳鎮宇為自編自導自演嘅新戲《費曼的夏天》，喺香港旺角封街拍攝，點知遭一名黑衣男收陀地，除咗擋喺路中間阻礙拍攝，更高空擲物，導致三名工作人員頭部受傷，令拍攝一度終止。事後警察到場制伏黑衣男，拍攝先可以繼續。完成旺角飛車場面後，吳鎮宇又移師到銅鑼灣鬧市，同吳志雄拍攝「晒馬」嘅重頭戲。
完成飛車場面後，吳鎮宇移師到銅鑼灣拍攝「晒馬」重頭戲。
噚日，吳鎮宇戴住口罩現身銅鑼灣廣場附近，其後進入一幢唐樓同吳志雄密斟。未幾，見到吳志雄同300名黑衣人齊集馬路中間「晒馬」，而吳鎮宇亦換上西裝帶住一班人馬同吳志雄對峙，重現《古惑仔》嘅「晒馬」經典場面，引嚟過百市民圍觀及拍照。由於當時未有封路，數百黑衣人「晒馬」嘅場面，一度嚇到街坊報警，事後有警察到場了解。
吳鎮宇同吳志雄喺馬路中間鬥「晒馬」，嚇到街坊報警。
下載APP