雲南出產的野生菇菌享譽全球，來到當造期，美高梅酒店「金殿堂」便派出餐廳行政總廚昌師傅親赴雲南上山採菇，精心挑選了六款野菌，設計出囊括十多道菜式的野菌菜單，8月限定，當時得令！
菜單中魚、蝦、牛、雞及鴨等菜式應有盡有，當中最花功夫的「黑虎掌菌扣穀仔鴨」就以出生90日的BB鴨入饌，倒入黑虎掌菌及調味料炆半小時左右，鴨肉嫩滑得入口即融，而且充滿菌香，超惹味！若然想食清淡啲，「雞油菌宣威火腿片浸津白」和「雞油菌帶子水瓜烙」亦是個不錯選擇，前者以兩種菇菌入饌，味道鮮甜清香；後者是潮式蠔烙的變奏版，以水瓜和帶子取代蠔仔，口感清爽又豐富。不過，最特別的要數甜品「羊肚菌黑豆蓉奶凍」，清爽的羊肚菌與黑豆蓉交纏的滋味，連餐廳顧問周中師傅都大讚：「唔係得個甜，重有個菌香！」
黃牛肝菌青椒炒海斑球MOP 438 以兩斤半以上的海斑入饌，魚味較濃，但又唔會蓋過菌香。（李國星攝）
黑虎掌菌扣穀仔鴨 MOP 198黑虎掌菌的香氣特別濃，很適合配搭紅肉。
雞油菌宣威火腿片浸津白MOP 198津白完全吸入湯汁的精華，入口既有菌香又有鹹香！
Info
即日起至8月31日
下載APP