曾備受TVB力捧的黃心穎，前年背住當時的男友馬國明搭上人夫許志安，事件曝光後即被無綫雪藏至今。早前曾傳TVB見心穎的形象未有起色，有意與她解約，但近日又有指TVB沒打算「放生」心穎，令跟TVB仍有八年長約的心穎被綁死。昨日（19日），樂易玲出席活動時向記者談及心穎近況，她親自回應公司與心穎綁死八年長約一事，又大爆心穎其實有意在幕前復出的打算。（文：黎永樂 圖：互聯網）
黃心穎至今仍被無綫雪藏，復出無期。
許志安與黃心穎爆出偷食醜聞後，全城喪插。
黃心穎與馬國明經已分手。
馬國明跟黃心穎分手後，與湯洛雯愛得火熱。
有指《堅離地愛堅離地》是黃心穎的告別作，之後還能否見到她在幕前演出要視乎觀眾反應。
無綫高層樂易玲昨日出席開幕禮，期間有記者問她最近有沒有跟黃心穎聯絡？她坦言一直都有和對方保持聯絡，上周二人還相約一起食早餐。問到心穎當下心情如何？她表示：「都OK㗎！咁耐冇見食吓早餐、傾吓偈、關心吓佢，覺得佢開心嘅，有好多朋友關心，佢話有做運動，見到佢都好Fit。」
透露有回歸幕前意向
樂易玲同時大爆原來心穎曾經提出過有回歸幕前的意向，她表示：「今次佢真係有講，大家商量吓，佢咁後生，諗吓將來有啲咩機會。（繼續在娛圈發展？）大家冇深入去傾呢件事，唔想畀壓力佢，反而嗰日食到臨尾我都有問佢有咩打算、考慮留抑或離開，我唔係講緊TVB，我係講香港、娛樂圈，佢都話會返去認真諗吓。」問到有沒有給對方更多意見？她續說心穎至今仍是TVB藝員，雙方簽下長合約，若然心穎決定離開亦要跟公司處理合約問題：「希望佢唔係意氣用事，之後會再約佢。」她還指心穎仍有人工未拿回，下次見她會給對方。
望捧上位簽下長約
對於心穎跟TVB綁死八年長約，樂易玲代對方回應：「當時佢係公司力捧嘅一批花旦之一，都簽咗好耐，冇數過幾多年，但一定唔會少過嗰個數（指八年）。 （如果佢要走就賠錢？）唔會，我覺得唔係錢嘅問題，佢又唔係跳槽。心穎仲係後生女，我都係人哋阿媽，唔知現時觀眾覺得佢點樣，她做錯咗想離開，我都想同佢分享，幫一下佢。」
觀眾決定「翻生」機會
問到心穎決定留低的話，公司會否給她「翻生」機會？她就未有正面回答：「呢啲唔係咁主觀佢話想就想，都要睇佢出嚟其他人會唔會接受，唔接受又冇理由行出嚟畀人講。大家都好辛苦咁過咗差唔多兩年，先可以過返正常生活，我哋嘅最佳男主角（馬國明）又搵到個好好嘅另一半（湯洛雯），呢個係好難得同開心，但缺口都要去處理。」
下載APP