麥浚龍要古天樂瞓醒錄音

麥浚龍坦言《The Album》三年企劃是可一不可再。

麥浚龍與謝安琪合作的三年企劃正式來到尾聲。

為了營造陌生感，麥浚龍要求古天樂瞓醒即錄音。

疫情下製作新專輯波折重重，麥浚龍忍痛抽起部分歌曲。

麥浚龍只黎明代入角色唱歌最有經驗。

歌手麥浚龍（Juno）及謝安琪的新專輯《the album and the end of it》於近日正式推出，象徵著二人的《the album》三年企劃正式來到尾聲。在疫情下製作新專輯波折重重，Juno透露忍痛抽起部分歌曲，他表示今次作品見證住他的成長，坦言自己是在用導演的角度去做唱片，在打造屬於自己音樂IP的同時，亦需要引導歌手透過音樂及聲線去演戲。為了營造陌生感，更要求古天樂瞓醒即錄音：「每個人都好唔同，我要佢瞓醒就過來，唔好開聲，想要一種陌生感。」（文：莫韻）

日前，Juno接受TVB娛樂新聞台節目《StarTalk》訪問，大談三年間為《The Album》企劃製作30首歌曲感受。對於專輯顛覆廣東樂壇市場，Juno表示：「今次係對自己嘅一個挑戰，覺得創意工業可以增添佢嘅創意色彩，點解我哋唔可以有屬於我哋嘅IP，我每次做Creative Project時，都抱住唔想侮辱觀眾智慧，因為觀眾有佢哋嘅分析能力，自己可以去探索呢個章節同另一個章節有咩關係。」去到最終章，Juno表示自己亦十分期待歌迷將這三年30首歌一次過去聽，就會明白三年前他為何要如此鋪排。

引導歌手用聲線演戲

講到整個企劃牽涉多位歌手及演員，Juno坦言自己是在用導演的角度去選角，他表示：「好似拍電影咁會畀劇本，不過唔係就咁唱，要睇咗劇本之後，用劇本入邊角色嘅心態去唱。」Juno透露黎明演唱時最有經驗；韋羅莎唱歌經驗少，但她做舞台劇，感情相對好豐富；古天樂和林嘉欣之前拍電影認識，已經有不少默契。他更透露要求古天樂瞓醒即錄音：「古生喺錄音室又係另一個世界，我就要佢錄音時間調節到好早，瞓醒就過來，唔好開聲，想要一種陌生感。每個人都好唔同，好似引導佢哋去演一場戲，不過係透過音樂同聲線。」

音樂電影互相影響

Juno坦言這個企劃是可一不可再，2011年做《無念》專輯時遇上樽頸位，覺得音樂滿足到他說故事的長度，於是Juno決定就拿起筆寫文字，於是出現了電影《殭屍》。拍完電影之後，Juno重新返回樂壇做音樂，2015年《Addendum》開始，Juno的專輯開始出現多個角色，包括有謝安琪、莫文蔚和周國賢，之後就有電影《風林火山》。再到《The Album》，以Pattern來講接來接應該是去拍電影。他表示：「因為對影像嘅敏感驅使我做音樂，對音樂嘅敏感帶動我喺電影上另一種處理手法」。

忍痛抽起部分歌曲

製作今次專輯時，剛好遇上新冠肺炎疫情，令過程波折重重。Juno表示︰「錄音室關咗門，好多製作同印刷都要延遲。為了兌現三年推出三張專輯，同埋要趕喺12月12日推出，我忍痛抽起咗幾首歌。不過，這幾首歌只係豐富咗故事，沒阻礙故事發展。因為疫情影響，有啲海外單位未能來港工作，與其拍一啲同原來想法不同嘅變奏，我選擇唔拍部分歌曲嘅MV。」雖然如此，Juno對製成品非常滿意，希望《the album》能成為歌迷心目中永不過時的作品。