張家輝同老婆關詠荷係圈中公認嘅模範夫妻，兩人一向非常低調。日前，家輝被拍到同老婆及女兒Brittany一家三口行街Shopping。雖然貴為影帝，但家輝仍十分慳家，佢行完名店就轉攻平民時裝店，最後揀咗件199元嘅平價衫。家輝揀完衫排隊準備畀錢時，關詠荷同Brittany就現身會合，Brittany雙手搭住家輝膊頭，兩父女一路有講有笑，感情十分要好。
張家輝行完名店就轉攻平民時裝店，十分慳家。
現年已經十歲嘅Brittany愈大愈似媽媽，佢紮紮跳同爸爸玩完後，就行去搵媽媽揀衫。掃完貨後，家輝主動做「阿四」手拎戰利品，帶住老婆同女兒行去車庫。不過，Brittany發現有記者，所以即時用外套嘅帽笠住自己，之後黐實關詠荷，仲頻頻偷望兼偷笑，十分可愛。而家輝就十分親民同記者揮手打招呼，之後就上車打道回府。
張家輝同關詠荷結婚十幾年，兩人係圈中公認嘅模範夫妻。
下載APP