周星馳於法院外即包到冚現身。（TVB截圖）
于文鳳入稟法院向周星馳追債。（網絡圖片）
周星馳（星爺）被前女友于文鳳追討逾7,000萬港元投資獲利分成案，今日（25日）在香港高等法院續審。星爺上庭作供時，不斷爆出金句。對於原告于文鳳協助他處理事務，他不同意是因為信任她的能力。星爺作供時稱：「我諗當時于小姐幫我手處理工作，最主要嘅原因係佢自己喜歡。如果佢唔喜歡，我係唔會逼佢嘅」。星爺更這樣形容于文鳳：「第一，電影方面佢冇經驗；第二，地產方面佢都係冇經驗嘅。都係嗰句，佢幫我係因為佢想咁做。佢願意學習同埋因為佢係我女朋友，我都好想佢可以學到。同埋佢都係勤力嘅。」
問到跟原告拍拖時透過傾偈，于文鳳知道有利潤分享安排？星爺答：「問返佢清楚啲。」原告再問傾過和合夥人分享利潤，星爺再說：「我有冇同佢傾過都唔記得。」而星爺的代表律師開案陳詞承認二人交往時星爺有表示會將投資利潤的一成分給她，不過所謂協議僅是出於情侶間熱戀時的綿綿情話，答應將來如何如何，都是出於愛，情況猶如「阿嫲畀錢個孫打牌」一樣。而星爺離開法院時即包到冚現身，未有停下給傳媒拍照同日更獲一名女影迷送上李小龍公仔。至於案件明早10時會繼續聆訊，星爺要繼續出庭。（編輯：黎永樂）
下載APP