馮盈盈一講到雙面人，立即意有所指，疑在暗串昔日好姊妹。
江嘉敏（左）與馮盈盈因富豪船P現羅生門事件，自此反目成仇。
馮盈盈與江嘉敏自出席完富豪船P變羅生門事件，兩人都指是受到對方邀請；自此昔日好姊妹勢成水火，日前更被港媒發現二人在TVB台慶當晚互睥。近日，馮盈盈在節目《#後生仔傾吓偈》最新一集大講雙面人話題，言語間似乎矛頭直指其死對頭江嘉敏！馮盈盈一提到雙面人，就講到眉飛色舞：「雙面人問我最清楚，對住你一個樣，對其他人又另一個樣。事事都批評嘅人，一定係自己有嗰種特質，例如話人貪錢。」然後，另一主持陸浩明則問：「即係話你黐富二代嘅人，自己一定係想黐富二代？」馮盈盈回答：「本身有咁嘅特質，先會特別提起。由得佢哋繼續講，反正我冇做呢樣嘢。（可能調轉係啲富二代鍾意黐埋冠軍靚女度接近你？）如果佢有咁嘅言行舉止一定有人知，自然有一日佢會為自己做過嘅事帶嚟後果。」
下載APP