徐榮入行22年，今年有望勇奪無綫台慶頒獎禮「最佳男配角」。
在熱播劇《木棘証人》中，徐榮飾演反派演技備受認可。
徐榮和太太育有一子一女，一家四口十分幸福。
徐榮於《反黑路人甲》中，破格的社團大佬「喪鐘」令觀眾印象深刻。
徐榮2007年憑處境劇《同事三分親》裘俊一角孭重飛入屋。
入行22年的TVB藝員徐榮，經歷過事業中的高低起伏，今年他合共有無綫五套新劇推出，繼《反黑路人甲》中破格的社團大佬「喪鐘」，令人留下深刻印象外，在熱播劇《木棘証人》中，他化身成衣公司高層，滿肚密圈，成為劇中的反派，演技備受觀眾認可，令他爭奪無綫台慶頒獎禮「最佳男配角」的呼聲甚高。對此，徐榮表示順其自然：「入選會開心，但隨緣，而家睇化了。」（文：莫韻 圖：互聯網）
近期曝光不斷的徐榮，日前接受商台《1圈圈 星光背後》節目主持人梁泰來訪問。提到今年合共有五套新劇在手，對於有望於即將舉行的台慶頒獎禮「最佳男配角」叫糊，徐榮表示：「入選會開心，但隨緣吧，關經歷太多年，最初《同事三分親》候選也會緊張，《BB來了》入選最後五強男配角也以為自己有機會，還會想定致謝詞，現在是睇化了。」
入行時自信心爆棚
現年46歲的徐榮，於1998年投考第十三期藝員訓練班入行，不過相對於同班的林峰、楊茜堯（曾用名：楊怡）、楊明等，徐榮做了多年路人甲角色，才於2007年處境劇《同事三分親》裘俊一角孭重飛入屋。徐榮指當年擊敗5,000多名對手考入訓練班時，曾自信心爆棚自覺會率先跑出，他說：「自覺外型OK，會幻想『呢鋪仲唔掂？我仲唔係Superstar？』當時林峰、楊明同阿怡都未識化妝好『薯嘜』，梗係覺得自己會跑出，但一畢業才知現實是如此殘酷。」
畀足心機演村民
至於為何能堅持多年也沒放棄轉行，徐榮坦言：「絕對有想過放棄，但每次當我想放棄，就會有啲機會出現氹你留低。我唯有嘗試調節自己，演村民大把人Hea做，我就畀足心機演，最終珍姐（無線高層）搵我演《同事三分親》，都話因為發現我好畀心機演村民。」徐榮2006年未演《同事三分親》前，已和拍拖兩年的太太結婚，婚後育有一子一女，他指太太由小學同學介紹相識。
感激太太不離棄
對於事業未有時太太就肯嫁給他，徐榮笑言是因為愛：「真是出於愛！我們相處得很舒服，那時我乜都無，拍拖無錢出街無錢睇戲無錢去旅行，她都肯陪我係屋企睇電視煮飯仔。31歲時結婚，也只覺得是時候，無求婚無儀式，我真係好幸運，她肯嫁畀我呢啲七線演員。所以我同自己說，我將來能做到嘅，都會畀晒太太。」他透露，至今每月出糧都交給太太處理，自己從中拿些零用錢。
下載APP