應屆港姐冠軍謝嘉怡（Lisa）與陳家樂一齊出席公開活動，即將首次在香港度過聖誕和除夕的她表示很開心，預算跟嫲嫲、姑媽及表妹一起食飯歡度佳節，家樂則表示可能要工作中度過聖誕，並透露會買定公仔冧女友連詩雅。Lisa自爆已單身三、四年，她笑言並非要求高，可能是自己的廣東話不好，又或者敏感度不夠高察覺不到，大呻今個聖誕仍未有人約。（文：莫韻）
今年是謝嘉怡首次在港度聖誕和除夕，她表示很開心。
陳家樂大讚女友連詩雅打機叻。
謝嘉怡和陳家樂一齊出席公開活動。
對於肥媽喪偶，世姪女謝嘉怡表示私下有慰問對方。
前度余香凝將本周六結婚，陳家樂大方送上祝福。
在接受訪問時，Lisa透露在蘇格蘭因曾任護士，試過在手術室過聖誕，但許多時都有假放，可以跟隨當地習俗，早餐吃雪糕，中午會留在家中看與聖誕有關的電影和拆禮物，晚上就會和家人一齊食飯同歡。問到為何不和男友過？Lisa笑言：「嗰邊過聖誕就好似中國過新年咁，每年都同屋企人過，仲好呀！」她自爆已經單身約三、四年：「之前覺得讀書緊要啲。」問到現在有沒有追求者，Lisa坦言沒有：「可能係我廣東話唔好，又或者係自己敏感度唔高，察覺唔到。」
私下慰問肥媽
Lisa身在蘇格蘭的父母於明年1月左右回港，Lisa說：「依家蘇格蘭都算安全，未係完全Lockdown，但夜晚6點後就要返屋企。」問到會否擔心疫情影響家人返港，她表示：「佢哋飛到，飛之前會先做測試，返到嚟再隔離14日。」講到肥媽喪偶，作為世姪女的Lisa表示私下都有慰問肥媽：「會畀多啲愛佢。之前睇肥媽條自拍片睇到喊，希望佢快啲平伏心情。」她透露都會出席喪禮。
家樂送公仔冧女友
同場的陳家樂則於現場大玩巨型夾公仔機，足足用了四枚硬幣才「中獎」。講到聖誕節，他透露可能要工作中度過：「接咗套電視劇，拍攝檔期橫跨聖誕、除夕，一直到農曆新年，希望有假放就同屋企人食餐飯、打吓機。」問到今年是他跟女友連詩雅（Shiga）拍拖後的首個聖誕節，想不想過二人世界？他笑言希望和Shiga打足球遊戲，並透露女友打機叻。有記者打趣話Shiga揀男友最叻？家樂即場爆笑：「唔知呀！呢個答唔到你！」
大方祝福前度余香凝
講到會買甚麼聖誕節禮物給女友？家樂即賣口乖指會買活動中的公仔，他表示每個朋友都會送禮物。問到女友的禮物會否特別一點？家樂笑言：「一視同仁，公仔都幾好呀！（攬得你嚟都攬唔到公仔！）攬公仔『毛鬙鬙』舒服啲，攬我呢啲『骨杉杉』唔好。」此外，提及前度余香凝將於本周六（14日）舉行婚禮，家樂大方送上祝福：「恭喜佢啦！我衷心祝福佢搵到一個可以行到尾嘅人。」
下載APP