正值暑假，加上路氹城又有新酒店落成，自助餐的競爭自然愈演愈烈。而最近網上討論度超高的「mezza9」甫加入戰場就大肆推翻自助餐的傳統進食模式──用餐過程實行高度自主，由揀選食材的一刻就將話事權交到食客手上，帶來極破格的用餐體驗！
波士頓龍蝦即捕即煮，勝在新鮮，點煮都好味。（李嘉儀攝）
到底自助餐可以玩到幾盡？最近君悅酒店「mezza9」全新登場的自助晚餐就以「與廚共饗」為名，讓食客走入廚房，自行決定各種海鮮及蔬菜的烹調方法。
小記至愛燒烤的食法，爽口彈牙的龍蝦肉夾雜陣陣焦香，超惹味！
例如堆滿基圍蝦、沙白蜆、鮑魚、帶子、花蟹及龍虎斑等的海鮮陣，就提供椒鹽、果皮蒸、薑蔥炒、香煎及避風塘等十多種烹調方法。駐場的侍應還會從旁建議：「今日鮑魚靚喎，不如整碟清蒸鮑魚？」而最抵讚的是，大廚接柯打後會按照人頭量炒餸，每道菜新鮮熱辣上檯之餘，亦可減少食物浪費。
單是海鮮已有十多款，而且煮法百搭，蒸、炒、炸任君選擇。
蔬菜區陣容強大，清炒、上湯還是鹽水浸皆可自選。
不過，必掃位還請放在龍蝦身上，龍蝦每隻大約一斤重，除提供燒烤及清蒸，還可做成上湯龍蝦。生猛的波士頓龍蝦肉質彈牙，每人食兩隻已夠回本。除此之外，開放式的廚房更囊括泰、葡、日等多國料理，食物種類多不勝數。還有玩味十足的甜品，如椰皇布甸、果汁雪條、酒味及薑味的梳乎厘等，保證有甜蜜驚喜。提提大家，自助晚餐甫推出已經常滿座，想試記得提早訂位！
熟食區囊括泰、葡、日等多國料理，而且菜式天天不同，保證每次嚟都有新鮮感。
甜品區充滿驚喜，連當紅的果汁雪條都有，必食！
價錢：MOP 499（周一至四）
MOP 599（周五至日）
下載APP