張秀文曾霉到戶口只剩幾百蚊

33歲新一代「無綫咪神」張秀文（Sammi）入行以來少有影視代表作，反而在旅遊綜藝節目中因經常慷慨露事業線才備受觀眾注目。最近她在熱播中的TVB新劇《木棘証人》中飾演拜金港女Yuki，更在劇中與另一性感女神張曦雯爭羅仲謙（已改名羅子溢），難免被不少網民將二人作比較。 Sammi近日亦積極接受傳媒訪問為劇集做宣傳，她完全不介意做不討好角色之餘，更重提入行頭幾年的拮据生活，最窮時戶口試過得幾百港元要慢慢搣住度日，咪神也有潦倒時！（文：黎永樂）

張秀文在新劇飾演拜金港女，更出動性感露腰晒腿私伙衫演出。

張秀文角色不太討好，向劇中男友羅仲謙「派綠帽」。

張秀文坦言不會隨便封胸，全因試過入行之後捱窮，要靠性感吸金。

張秀文與張曦雯（左）爭羅仲謙，兩大女神難免被網民作比較。

張秀文在旅遊綜藝節目慷慨露事業線，結果備受觀眾注目，被封新一代「無綫咪神」。

張秀文自大學畢業後就參加《2010年香港小姐選舉》而入行，因其豐滿身材而被封為新一代「無綫咪神 」上位，更開始常常在旅遊節目中不乏性感鏡頭。擁有魔鬼身材的Sammi，笑指自己性感無極限：「 主要睇公司需要，同埋導演要求合理就得，要我著泳衣玩遊戲都冇所謂！」而她今次在《木》劇中飾演一名男裝店Sales，和羅仲謙拍拖十年，經常因買名牌而欠下卡數，又被揭發偷食富二代，向男友 「派綠帽」 ，而令男友「轉軚」 愛上張曦雯。

自備露腰晒腿私伙衫

為演活貪慕虛榮的港女角色，Sammi自備了多套露腰晒腿私伙戲服，演得入型入格。雖然角色不太討好，但 Sammi 自言完全不介意，寧願給觀眾鬧她死八婆總好過角色零發揮。所以每一次的演出機會她都會好好珍惜，她又透露最主要令她不介意「演乜都得」是因為參加完港姐奪亞軍入行後，頭幾年發展平平，當時試過銀行戶口只剩幾百元，要搣住度日，慳得就慳；直到2015年憑著穿上三點式、在節目《超強選擇1分鐘》成功靠「壓胸」演出彈起，終於令她得到觀眾注目，收入同時開始有增長，所以即使她不想大家將焦點放在她的性感身材上，她都食得鹹魚抵得渴，依然不敢隨便宣布封胸，因為很難做到。

一日食一餐慳得就慳

當然行性感並不是完全沒有掙扎，她對此都有猶豫，並表示：「當初性感、泳裝呢樣嘢令好多人注意我，我都開心嘅，確實嗰時自己唔係太多工作機會，咁大家呢種關注係令我突然多咗好多工作機會，令到好多人認識，不論係公司或者外面。」當她重提節衣縮食的日子，坦言想起都痛苦。「最霉試過一個月得幾千蚊人工，強積金都唔使交嗰種，好痛苦㗎！每個月計住度住，睇住銀行戶口出糧未？爆騷未？一路未爆騷嘅時候，頭嗰八個月係好難捱！」她又指見住個銀行戶口由五位數到四位數，去到第八個月只剩三位數。問到如何捱過最窮日子，她表示自己是個未雨綢繆的人，盡量減少消遣，試過隨便食碗平的牛腩河，一日一餐咁捱。

發誓唔再同男友同居

曾被報道指跟經理人仇耀斌拍拖七年，自去年分手的Sammi，拍完《木》劇後令她對婚姻有新看法：「我發誓再搵對象，一定唔會同居，啱嘅就結婚！」她坦言：「女人30歲以上會有危機感，因為要展開人生另一階段，例如結婚生仔。兩個人一齊好講Timing，同居後，男方往往會冇咗娶你嘅衝動。我唔會再同居，因為拍拖要保鮮，如果同居，佢就預咗你每晚返嚟，唔再需要掛住你。我真心覺得，同居會令大家錯過咗情侶需要嘅甜蜜過程。」