ViuTV人氣選秀節目《全民造星III》即將開鑼，近日共50名已在圈中出道，但知名度不一的參賽者會見傳媒，監製花姐（黃慧君）期間接受訪問時表示：「疫情期間出面冇乜Job，我相信好多藝人都好慘，所以想借呢個平台畀入咗行嘅人有更多曝光率，希望可以共度時艱。」《全民造星II》結束未夠一年，對於有網民覺得「炒冷飯」，花姐則表示無懼負評，最重要的是節目質素，以及能幫助人：「隔離台《香港小姐》都係一年一次！」當中參賽者之一的姜嘉欣近日不停操fit自己，但她早前卻弄傷了尾指，未知會否影響表現。被問到會否覺得今次參加會是陪跑？嘉欣說：「知道今次有咁多有實力嘅人反而覺得興奮，更加希望可以喺呢個比賽吸收多啲經驗，所以會以平常心參加！」
姜嘉欣入圍《全民造星III》，她會以平常心參與比賽，並與一班參賽者交流。
下載APP