阿Sa靠鄭秀文走出人生谷底

鄭秀文（左）與蔡卓妍主演的《聖荷西謀殺案》將於今個月上映。

電影《聖荷西謀殺案》由鄭秀文（Sammi）、蔡卓妍（阿Sa）及佟大為領銜主演，受疫情影響，原定早前上映的《聖》片最終安排於今個月於港澳地區上映。兩人自2003年繼電影《戀上你的床》，相隔17年後再度合作。因結片緣而成為好友的二人，近日為宣傳電影接受傳媒訪問，阿Sa大爆當年遇上人生低潮時，慶幸獲得Sammi主動開解，Sammi亦坦言曾經歷抑鬱症困擾，故很明白受負面情緒困擾是非常無助。（文：黎永樂 ）

電影《聖荷西謀殺案》由潘源良執導、改編自莊梅岩的同名舞台劇，是一套心理懸疑片，以美國聖荷西作背景，故事講述Sammi與男主角佟大為這對恩愛夫妻看似在聖荷西過著美滿生活，直至飾演Sammi好姊妹的阿Sa因情困而去到當地探望，三人在一同居住的五天日子裡，阿Sa揭露了好姊妹和老公背後隱藏著的秘密，加上人性的猜疑與嫉妒，終於有人動了殺機。三人各自有著不可告人的歷史，更重演著一場兇案的軌跡，衝向你死我亡的結局。

蔡卓妍（左起）、佟大為和鄭秀文，各自有著不可告人的歷史。

增肥十磅鏡頭現贅肉

甚少擔演此類亦正亦邪角色的Sammi，坦言今次是被劇本吸引而答應接拍，她說：「都算突破，角色本身有一個空間同層次畀我表達唔一樣嘅演出，歸根究柢要多謝個劇本，呢個角色好立體，亦正亦邪、亦善亦惡，喺過去嘅愛情小品入面未見過鄭秀文有呢類演出，人生經驗豐富咗，演繹呢個角色再有多啲說服力。」Sammi更為拍攝而走去增肥十磅，希望在愛情戲上令觀眾感到有別於舞台上的自己，Sammi續說：「有一場要除咗衫見到啲肉震震吓，我反而鍾意喎，呢個年紀唔鍾意自己好瘦，做運動係維持肌肉嘅感覺，飲食健健康康，運動正常，好難會好肥，階段唔同咗，我覺得有啲肉嘅女士好好睇。」

鄭秀文（左）在新片發揮精湛的「兇狠」演技，與以往的角色有很大出入。

為阿Sa做心理輔導員

之後兩人重提17年前合作《戀上你的床》的往事，她們自合作後，由前輩與後輩的關係變成了好朋友，Sammi說：「第一次合作，除咗Hi同Bye都唔知講乜嘢，差啲要問佢飲咗奶未。真係睇住阿Sa大，而家喺呢行嘅經歷都唔係淺，都傾到偈。」阿Sa則說：「我嗰陣時係新人，比較害羞啲，冇咁多勇氣同前輩講嘢，而家就成熟啲，嗰陣時都唔知傾乜嘢，冇嘢好講，因為一講嘢就露底。」阿Sa又謂自己曾面對過人生低潮，Sammi透過共同朋友找得其聯絡電話，主動傳短訊鼓勵：「我覺得好好，好窩心。」阿Sa只說當年低潮原因是有某些新聞爆出，推測下相信所指是指跟鄭中基離婚一事。

鄭秀文（左）孖住蔡卓妍宣傳新片接受訪問，二人更透露如何面對人生低潮。

鄭秀文和蔡卓妍兩人曾在17年前合作《戀上你的床》。

笑言擔當Twins啦啦隊

Sammi自言人生經歷比阿Sa豐富，加上她曾患抑鬱症，當見到身邊人情緒低落及面對困境時，都會想以過來人身分給予鼓勵：「當初我經歷depression時都希望獲得鼓勵，從中得到幫助，我性格比較主動，喺呢啲事情上唔會覺得尷尬害羞，大家都係傾吓偈，我冇做啲咩。」Sammi更大爆某次阿Sa跟好姊妹阿嬌（鍾欣潼）到其家促膝長談，問到是誰有心事？阿Sa說：「唔記得喇，已經係咸豐年嘅嘢，總之佢（Sammi）係啦啦隊啦。」而三人也不時相約出席姊妹聚會。