符曉薇拍片親述宮外孕導致第二胎小產的經歷。（YouTube截圖）
符曉薇晒出手術後圖片。（符曉薇Facebook圖片）
陳柏宇和符曉薇於2018年誕下女兒Abigail（陳柏宇IG圖片）
陳柏宇和老婆符曉薇（Leanne）於2018年誕下女兒Abigail後，Leanne一直都想生多一個，為Abigail增添多名細佬妹。不過，Leanne日前拍片自爆原來5月時證實懷有第二胎，但期後狂出血及腹部疼痛，看醫生後證實為宮外孕，因BB著床左邊輸卵管導致輸卵管爆裂，6月即接受緊急手術切除左邊輸卵管。
Leanne坦言當時心情非常低落，曾一度幻想胎兒仍在，幸獲一位同樣經歷過兩次宮外孕的好友輔導下才走出陰霾，現時心理及生理狀況已經回復正常。雖然之後宮外孕機會亦會比一般人高，但她決定保持正面心態面對，並表示在疫情過後會繼續努力造人，叫大家不用擔心。她亦留言：「唔係想話畀人聽我究竟有幾堅強，只係希望幫到有需要嘅人，我希望大家都唔好經歷到呢樣嘢。」
陳柏宇亦有為老婆小產一事回覆傳媒，他指當時太太懷孕了約五至六周：「佢痛，去醫生度檢查，發現宮外孕要做手術，救唔到，只能排走去，唔開心梗有，感覺好大打擊，因為最終要切咗一邊輸卵管，喺冇得選擇情況下，好似冇得太唔開心，呢個唔係個人問題，唔係避免到，明白要發生就發生，唔會太唔開心，首先本身有囡囡，幫到好多手，如果冇囡囡，要切輸卵管就唔開心。」（編輯：黎永樂）
下載APP