日前，現年45歲嘅DJ小儀突然驚傳同潮界型男余文樂（樂仔）拍拖，引嚟全城熱烈討論，搞到樂仔「O嘴」否認戀情。事後，有網民發現小儀男人緣極佳，曾經同黃宗澤（Bosco）、林峯、吳鎮宇及彭于晏等多位「男神」親密合照。對此，小儀搞鬼話：「嘩！睇返啲相，我咁攬法，係過分咗！對唔住咁多位，我以後唔會㗎喇⋯⋯（不過，有啲係佢哋攬我㗎喂！）」
黃宗澤坦言同小儀十分老友，更大讚對方係賢妻良母。
喺小儀同眾「男神」嘅合影中發現，佢攬得最多嘅係黃金筍盤Bosco，原來佢哋曾一齊合作過TVB劇集《情人眼裏高一D》，劇中兩人更有不少親密戲分。噚日，Bosco出席活動時，大讚小儀係賢妻良母，佢話：「瘦田無人耕，耕開有人爭。」被問到自己會唔會考慮小儀時，Bosco話：「同樂仔一樣喇！如果幾年後都識唔到女朋友，大家咪試下，既然個個都咁講，唔差在我喇！」
小儀男人緣極佳，曾同黃宗澤等多位「男神」親密合照。
黃宗澤張繼聰伙陳家樂鬥熱血
黃宗澤張繼聰陳家樂秒變兄弟
揀男友條件最緊要心地好
橫跨不同時代港星齊集澳門
《廉政狙擊》王浩信晒麒麟臂肉搏
余文樂潮牌網店已停運
余文樂時裝品牌網店停業
余文樂定居台灣做湊仔公
拍片表示遺憾未能親自來澳領獎
下載APP