莊思明最近真是黑氣纏身，繼早前拍TVB劇時，她放在外景小巴上的手袋被偷，且被盜用信用卡後，昨日（15日）她又在社交網貼傷手相晒黑氣，她留言：「之前俾人偷咗個袋就當破財擋災，今次因為自己論盡（遴迍），揸電單車時一時疏忽跌落嚟，搞到擦傷就當應驗咗個血光之災，好彩只係皮外傷，大家放心，我冇事！我相信我好快就行運啦，因為咩衰嘢都過哂，yeah！」相中的她扁晒嘴，左手臂留下一條約七吋長的血痕，皮也磨損了，不少圈中好友黃建東、蔚雨芯、許亦妮和岑潔儀等都有留言安慰，雖然未知相片是否由男友楊明拍攝，不過就未見他公開留言呵女友。
早前有財物損失的莊思明揸電單車時，手部弄傷留下血痕，認真禍不單行。
下載APP